Хаартыска: РФ ЫБММ саайтыттан.
Дьааҥы улууһугар хара уу кэлэрин билгэлииллэр диэн РФ Гражданскай оборуона дьыалаларыгар, ыксаллаах быһыыны-майгыны уонна айылҕа иэдээнин содулларын туоратыыга Бүтүн Арассыыйатааҕы научнай-чинчийэр институт пресс-сулууспата иһитиннэрэр. Намыһах сирдэр ууга барыахтарын сөп.
“Саха Өрөспүүбүлүкэтигэр эспиэрдэр билгэлииллэринэн куйаас күн-дьыл туран, Адыаччы үрэҕин хайаларыгар хаар түргэнник ууллан, Дьааҥы улууһун сиригэр-уотугар сааскы халаан хара уута кэлэрэ көһүтүллэр”, — диэн биллэриигэ этиллэр.Бөтөҥкөс сэлиэнньэтин намыһах сирдэрэ ууга барыахтарын сөп. Ону тэҥэ Анаабыр өрүһэ уруккуттан ылар сирдэригэр тахсан, Сааскылаах намыһах учаастактара ууга бараллара күүтүллэр.
Санатан эттэххэ, Сааскылаах сэлиэнньэтигэр ыам ыйын 31 күнүгэр дьон олорор дьиэтэ ууга баран, муниципальнай таһымнаах ыксаллаах быһыы-майгы биллэриллибитэ. Бэс ыйын 3 күнүгэр бары дьиэлэр уонна тэлгэһэлэр ууттан босхолоннулар. Бэс ыйын 4 күнүн сарсыардатыгар Анаабыр өрүһүгэр муус алын кытыыта Үрүҥ Хайа сэлиэнньэтиттэн 25 км аллараа устара бэлиэтэнэр. Үөһээ өттө Сааскылаахтан 145 км аллараа барар. Уу таһыма кутталлаах бэлиэҕэ тиийбэт.
“Халыма улуустарыгар Сүрүн управление суһал бөлөхтөрө үлэлии сылдьаллар. Уу кутталлаах бэлиэни куоһара илик. Эрэгийиэҥҥэ ууга барбыт сир-уот суох”, — диэн Саха сиригэр Арассыыйатааҕы ЫБММ Сүрүн управлениетын начаалынньыга Павел Гарин иһитиннэрдэ.
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…