Хаартыска: Sakhagov
Офтальмологтар мобильнай биригээдэлэрэ Дьааҥы улууһугар катарактаны суох оҥорорго 30-ча эпэрээссийэни оҥоруохтара. Дьааҥы Оройуоннааҕы киин балыыһатыгар ыраах сытар нэһилиэнньэлээх пууннартан эмтэнээччилэр киирдилэр.
«Мобильнай биригээдэ Дьааҥы улууһугар сарсыҥҥыттан үлэлиэҕэ, 30-ча эпэрээссийэ былааннанна. Биһиги офтальмохирург-бырааһы уонна мэдиссиинэ сиэстэрэтин кытары тиийиэхпит. Улуус ыраах сытар нэһилиэнньэлээх пуунуттан тиийэ кэлиэхтэрэ. Суһал эмтэниигэ наадыйааччылары олохтоох офтальмолог-быраас сүүмэрдээтэ”, — диэн Офтальмология өрөспүүбүлүкэтээҕи килиниичэскэй балыыһатын кылаабынай бырааһа, “Биир ньыгыл Арассыыйа” баартыйа эрэгийиэннээҕи отделениетын сэкирэтээрин солбуйааччы, эрэгийиэннээҕи бэлитиичэскэй сэбиэтин президиумун чилиэнэ Иван Луцкан иһитиннэрдэ.
Офтальмологтар бу иннинэ Эбээн Бытантай улууһугар үлэлээн, 27 эпэрээссийэни ситиһиилээхтик оҥорбуттара.
“Мобильнай офтальмологтар аныгыскы нэдиэлэттэн саҕалаан, Бүлүү бөлөх улуустарыгар үлэлиэхтэрэ. Биригээдэ састаабыгар икки быраас уонна мэдиссиинэ икки сиэстэрэтэ бааллар. Офтальмолог-быраас Ньурбаҕа олунньу 11 күнүттэн суһал эмтэниигэ наадыйааччылары бэлэмниир”, — диэн Иван Луцкан эбэн эттэ.
Офтальмологтар биригээдэлэрин үлэлэрин былаана Оройуоннааҕы киин балыыһалар сайаапкаларынан оҥоһуллар. Бастаан улуустарга офтальмолог-быраас суһал эпэрээссийэҕэ наадыйааччылары сүүмэрдии тиийэр, онтон хирурдар кэлэллэр.
Манна даҕатан суруйдахха, офтальмологтар биригээдэлэрэ, бастатан туран, офтальмолог-бырааһа суох улуустарга тиийэллэр.
СӨ Ил Дарханын уонна бырабыыталыстыбатын пресс-сулууспата
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…