СИА хаартыската
Бүгүн, от ыйын 23 күнүнээҕи туругунан, Дьааҥы улууһун сиригэр уотугар ойуур баһаардарынан балаһыанньа уустук.
Улуус ыстааба тэрилтэлэртэн, сулууспалартан биирдии-иккилии киһинэн хомуйан бары кыаҕынан үлэлиир. Токумаҕа олохтоох нэһилиэнньэттэн уоту умуруорууга үлэлии сылдьар 18 киһиэхэ эбии 12 киһи тиийэр. «Дороги Арктики» икки булдьозера үлэлиир. «Якутлесресурс», «Служба спасения» тиэхиньикэлэр хомуллаллар. Токума чугаһыгар баар ойуур баһаарын бохсууга 30 киһи үлэлиэҕэ.
Эҥэ нэһилиэгин сиригэр-уотугар эмиэ балаһыанньа тыҥааһыннаах. Баһаары бохсууга от ыйын 22 күнүттэн «Авиалесоохрана» 26 үлэһитэ уонна олохтоох нэһилиэнньэттэн 10 киһи үлэлииллэр. Бэҕэһээ, от ыйын 22 күнүгэр, үлэни күүһүрдэргэ Сайдыыга көтөргө Баатаҕайтан 9 киһи туруммут.
От ыйын 22 күнүгэр ойуур баһаардарынан видеосибээһинэн Ил Дархан Айсен Николаев кыттыылаах мунньах буолбута. Атын улуустары сэргэ, Дьааҥы улууһун баһылыгын М.В.Иванов дакылаатын эмиэ истибиттэрэ. Кини миэстэтигэр балаһыанньаны, улуус ыстаабын ылар миэрэлэрин туһунан кэпсээбитэ уонна көмө көрдөөбүтэ. Маныаха Ил Дархан А.С.Николаев өрөспүүбүлүкэ ыстаабыгар Дьааҥыга «Авиалесоохрана» бөлөҕүн күүһүрдэргэ, дьону биэрэргэ соруйбута.
Ил Дархан Айсен Сергеевич Николаев хоту улуустарга дьон-сэргэ аҕыйаҕын уонна тиэхиньикэни илдьэр уустугун, кыаллыбатын учуоттуур наадатын бэлиэтээбитэ. Онон хоту улуустарга дьону эбии көмөҕө ыытар наадата ыйыллыбыта. Ил Дархан кыттыылаах ВКС мунньаҕын түмүгүнэн, Дьааҥы улууһугар көмөҕө 20 киһи көтөргө бэлэм.
Дьааҥы улууһун дьаһалтатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…