Дьааҥы улууһун олохтооҕо киһини өлөрөн хаайылынна

Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр киһи холуобунай буруйу оҥоруутунан силиэстийэ ыытыллар. Бу туһунан Саха сиринээҕи Сэлиэстийэлиир кэмитиэт иһитиннэрэр.

Буруйдаах киһиэхэ РФ Холуобунай кодексын 111 ыстатыйатын 4 чааһынан (киһи доруобуйатыгар ыарахан эмсэҕэлээһини оҥорон, сэрэҕэ суохтан өлүүгэ тиэрдии) буруйданар.

Силиэстийэ быһаарбытынан, 2025 сыл балаҕан ыйын 14 күнүгэр буруйданааччы уонна эмсэҕэлээччи тыл-тылга киирсибэккэ айдаарсыбыттар. Онуоха буруйданааччы эмсэҕэлээччи өттүгүн туһаайыытынан быһаҕынан анньыбыт.

Эмсэҕэлээбит киһи ыарахан бааһырыыттан кылгас кэм иһигэр өлбүт.

Силиэдэбэтэл хадатаайыстыбатынан суут буруйданааччыга силиэстийэ ыытыллар кэмигэр хааччахтыыр миэрэ быһыытынан, хаайарга уураахтаата.

Бу холуобунай дьыаланан силиэстийэ салҕанар.