Хаартыска: Ил Дархан уонна СӨ Бырабыыталыстыбатын пресс-сулууспата.
Дьааҥы улууһун олохтооҕо, байыаннай дьайыы кыттыылааҕа Николай Данилов чааһынай хаһаайыстыба тэриннэ.
Бу иннинэ кини куруолук иитэр этэ. Маны таһынан, Николай сылгыны үөрдээн иитиигэ эмиэ ылыста. Кини социальнай улуустааҕы көмүскэл управлениетыгар кэтэх хаһаайыстыбаны сайыннарыыга социальнай дуогабар түһэрсэргэ сайаапка биэрдэ. Байыаннай дьайыыттан кэлээт, Николай үлэ буларга көмө көрдөһөн Дьарыктаах буолуу киинигэр тиийбитэ. Киниэхэ бэйэ дьыалатын арыйарга этии киллэрбиттэрэ уонна салгыы анал үөрэҕи ааһарыгар докумуону толорорго көмөлөспүттэрэ.
Николай урбаан төрүттэригэр үөрэҕин бүтэрэн, куруолук иитэр биисинэс-былаанын ситиһиилээхтик көмүскээн, биир кэмнээх 150 тыһ. солкуобайынан туһаммыта, бэйэ дьарыктаах киһи быһыытынан регистрацияламмыта. Бойобуой дьайыы бэтэрээнэ дьыалатын куруолуктары атыылаһан, үлэлииргэ сөптөөх усулуоубуйа тэриммитэ. Инникитин Николай хаһаайыстыбатын сайыннаран, дьиэ кэргэнин, биир дойдулаахтарын туһугар үлэлиир былааннаах.
“Дьарыктаах буолууну уонна үлэҕэ ылыыны көҕүлээһиҥҥэ биир көдьүүстээх ньыманан социальнай дуогабар буолар. Анал байыаннай эпэрээссийэҕэ кыттыбыт киһи төннөн кэлэн үлэ булуон баҕарар буоллаҕына, үлэ буларга, ону тэҥэ бэйэҥ дьыалаҕын тэринэргэ көмөлөһүөхпүт. Бэйэ дьыалатын тэриниэн баҕарар байыаннай дьайыы кыттыылаахтарын уонна кинилэр дьиэ кэргэттэрин социальнай хааччыйыы управлениетыгар ыҥырабыт, онно бары наадалаах сүбэлэри биэриэхтэрэ, докумуоннары хомуйан сайабылыанньа биэрэргэ көмөлөһүөхтэрэ», — диэн бэлиэтиир өрөспүүбүлүкэ үлэҕэ уонна социальнай сайдыыга миниистирэ Елена Волкова.
Саха сиригэр 2022 сылтан байыаннай дьайыы кыттыылаахтарыгар 533 социальнай хантыраак оҥоһулунна – 54 бойобуой дьайыы бэтэрээннэригэр, 479 – кинилэр дьиэ кэргэттэригэр. 2024 сыллаахха 29 байыаннай дьайыы кыттыылааҕа, 91 — кинилэр дьиэ кэргэттэрэ социальнай хантараак дуогабарын толордулар.
Санатан эттэххэ, Ил Дархан Айсен Николаев Ил Түмэҥҥэ Анал этиитигэр байыаннай дьайыы кыттыылаахтара эйэлээх олоххо төннүүлэригэр өйөбүлү оҥорууну биир сүрүн соругунан ааттаабыта.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…