Дьааҥыга оҕону ыт ытырбытынан олохтоох дьаһалтаттан 100 тыһ. солк. ирдэннэ

Дьааҥы оройуон борокуратуурата иһитиннэрбитинэн, былырыын бэс ыйыгар Баатаҕайга сокуоннай сааһын илик оҕоҕо бэйдиэ сылдьар ыт саба түспүт уонна эчэппит.

Полиция үлэһиттэрэ бэйдиэ сылдьар ыт хаһаайынын булбатахтар. Борокуратуура сокуоннай сааһын ситэ илик оҕо интэриэһин көмүскээн, олохтоох дьаһалтаттан 100 тыһ. солк. суумалаах моральнай хоромньуну толуйарга ирдээтэ. Суут борокуруор этиитин ылынна.

Суут быһаарыыта сокуоннай күүһүгэр киирэ илик, диэн СӨ Борокуратууратын пресс-сулууспата суруйар.