Хаартыска Кажетта Ахметжанова социальнай ситимиттэн ылылынна
Дьааҥы улууһун Баатаҕай нэһилиэгэр 26 саастаах кыыс сүппүтэ нэдиэлэттэн орто.
Кини Верхоянскай куорат чугаһынааҕы даача дьиэтиттэн Ойуһардаах хайысхатынан баран иһэн сүппүт.
Кыыһы түөрт быыһааччы, олохтоох дьон уонна аймахтара Дьааҥы өрүс кытылынан, чугастааҕы быраҕыллыбыт үүтээннэринэн көрдүүллэр. Көрдөөһүҥҥэ тепловизоры уонна пилота суох көтөр аппараты туһаналлар.
Бүгүн «Дьааҥы сонуннара» хаһыат суруйарынан, кыыһы көрдүүргэ көмөлөһө Москваттан көрбүөччүлэр кэлбиттэр. Ол иһигэр «Битва экстрасенсов» телешоу кыттыылааҕа, аатырар көрбүөччү Кажетта Ахмеджанова баар. Кини бэйэтин социальнай ситимигэр «казахтар уонна сахалар – биирдэр, уопсай үгэстээхтэр, сиэрдээхтэр-туомнаахтар уонна тыллаахтар, биһиги биир улахан дьиэ кэргэммит» диэн таһаарбыт.
Көрбүөччүлэр «Туостаах» турбаазаҕа олороллор. Кинилэр Бөтөҥкөскө баар палеонтологическай түмэлгэ сылдьыбыттар. Салгыы Дьааҥы улууһун кэрэ бэлиэ сирдэринэн, Киһилээх хайаҕа тахса сылдьыахтара.
Экстрасенстары ааспыт нэдиэлэҕэ сүппүт кыыс төрөппүттэрэ ыҥырбыттар. Билигин көрбүөччүлэри кытары быыһааччылар уонна волонтердар сүппүт кыыһы көрдүүллэр.
Бүгүн, ахсынньы 23 күнүгэр, олохтоох бириэмэнэн 12.00 ч. Ил Дархан Айсен Николаев сыл аайы ыытыллар…
Порталга “жизненная ситуация” диэн саҥа раздел баар буолбут. Манна дьиэ кэргэн иһигэр күүһүнэн өттөйүү көрүҥнэригэр…
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…