Хаартыска: sakha.gov.ru
2025 сылтан 2028 сылга диэри Дьааҥыга халаан уутуттан көмүскүүр бырайыак олоххо киириэҕэ. Бу туһунан СӨ Экологияҕа министиэристибэтэ иһитиннэрдэ.
Кулун тутар 25 күнүгэр ыытыллыбыт куонкурус түмүгүнэн «Спецмонтаж-95» бэдэрээтчит тэрилтэтин кытары хантараак түһэрсиллибитэ. Үлэ сыаната 1,2 млрд солк. тэҥнэһэр. Бырайыагы олоххо киллэриигэ федеральнай бүддьүөттэн үп-харчы көрүллүөхтээх.
Дамба уһуна тоҕус километры куоһарыаҕа. Ону тэҥэ Дьааҥы өрүс кытылыгар бөҕөргөтөр үлэни ыытыы уонна уунан хааччыйыы көрүллэрэ былааннаннар. Урут Дьааҥы куораты инженернэй көмүскэлин тутуутун дойду бырабыыталыстыбатын бэрэссэдээтэлин солбуйааччы — РФ Бэрэсидьиэнин боломуочуйалаах бэрэстэбиитэлэ Юрий Трутнев өйөөбүтэ. Кини 2022 сылга халаан уутуттан эмсэҕэлээбит нэһилиэнньэлээх пууҥҥа сылдьыбыта.
Санаттахха, халаан уутугар 442 олорор дьиэ уонна 18 социальнай эбийиэк эмсэҕэлээбитэ. Дьааҥы куората уонна кини тулата халаан уутуттан сылын ахсын эмсэҕэлииллэр. Ону таһынан Үөһээ Бүлүүгэ 2024 сылга Бүлүү өрүс кытылын бөҕөргөтүүтэ түмүктэммитэ. Биэрэги бөҕөргөтөр тутуулар уһуна 2800-тэн тахса погоннай миэтэрэ уһуннаах, оттон үрдүгэ — 12,8 миэтэрэ.
Алтынньы 20 күнүгэр, Асчыт күнүгэр, «Пятница!» телеханаалга «Битва шефов» шоу бэһис сезонун 15 таһаарыытыгар "Тыгын…
“Саха” ГТРК “Быһа кэпсэтии” биэриитигэр Ил Дархан Айсен Николаев СӨ Төрүт Сокуонугар киирэр уларытыылар өрөспүүбүлүкэ…
Өрөспүүбүлүкэ Ил Дархана Айсен Николаев бүгүн, алтынньы 21 күнүгэр, «Саха» ГТРК «Прямой разговор» аһаҕас эпииргэ…
Саха сиригэр 2026 сылга хамнас алын кээмэйэ 20%-нан үрдээн, 67 тыһ. солкуобай буолуоҕа. Бу туһунан …
Алтынньы 16 күнүгэр СӨ Силиэстийэлиир кэмитиэтин Дьокуускайдааҕы Силиэстийэлиир салаатыгар СӨ ИДьМ Дзержинскэй уулуссатыгар баар дьиэтигэр…
Ил Дархан Айсен Николаев алтынньы 20 күнүгэр өр сылларга өрөспүүбүлүкэ оройуоннарын салайбыт муниципальнай сулууспа бэтэрээннэрин…