Хаартыска: СӨ Бырабыталыстыбатын пресс-сулууспата
Дьааҥы оройуонугар 2027 сылга диэри сибээс оптоволоконнай лииньийэтин тутуута түмүктэниэҕэ.
Бу туһунан «АрктикТелеком» АУо генеральнай дириэктэрэ Виктор Сергеев ситэриилээх былаас отчуотун кэмигэр иһитиннэрдэ.
«Арктика Синергията» социальнай хайысхалаах бырайыак чэрчитинэн «Хандыга – Батаҕай – Батаҕай-Алыта» хайысханан оптоволокно сибээс лииньийэтэ тардыллыаҕа. Дьааҥы оройуонугар 700-тэн тахса килэмиэтирдээх оптоволокно лииньийэтин тардыы уонна 19 нэһилиэнньэлээх пууну холбуур былаан баар. Онон 4 тыһыынча кэриҥэ төрүт олохтоох дьон үрдүк хаачыстыбалаах интэриниэт өҥөтүнэн туһанар кыахтаныахтара.
Саҥа ситимҥэ холбонуохтаах нэһилиэнньэлээх пууннар ахсааннарыгар Баатаҕай бөһүөлэгэ (оройуон киинэ), Верхоянскай куорат, Эһэ-Хайа нэһилиэгэ, Бөтөҥкөс, Мэтээки, Боронук, Мачах, Барылас, Томтор (Боруулаах), Токума, Үҥкүр, Сыһыы Мэйиитэ, Остуолба, Оһохтоох, Чөрүмчэ, Сайдыы, Хайыһардаах,Үүттээх, Чолбон нэһилиэктэр киирэллэр.
Арктика Синергия бырайыага 61 уһук ыраах нэһилиэнньэлээх пууннарга уонна 10 арктическай улуустар 50 000 олохтоохторугар түргэн интэриниэти хааччыйар магистральнай оптоволокно сибээс лииньийэлэрин уонна тарҕатыы ситимнэрин оҥорууну кытта сибээстээх.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…