Дьааҥыга ууга түспүт сылгыны быыһаатылар

Бэҕэһээ, алтынньы 12 күнүгэр, Дьааҥы улууһун быыһааччылара Дулҕалаах нэһилиэгин туһаайыытынан муустаах ууттан сылгыны таһаардылар. 

Дьөһөгөй оҕото муустаах ууга түспүтүн туһунан ити диэки бултуур киһи иһитиннэрбит. Саҥа тоҥон эрэр муус сылгы ыйааһынын уйбатах. Тыллабыр киирбитигэр, сүппүт киһини көрдүү сылдьар быыһааччылар этэрээттэрэ (сал. Руслан Потапов) чугас сылдьар буолан көмөҕө тута кэлбит.

Сылгыны хас да чаас сыралаһан таһаарбыттар. Бастаан уу кытыытынааҕы хаары ыраастаабыттар, сылгыны быанан соһон таһаарбыттар.