Дьааҥы, Кэбээйи, Мииринэй, Сунтаар уонна Усуйаана улуустарыгар ойуур умайар

Баһаар сезона саҕаланыаҕыттан өрөспүүбүлүкэҕэ уопсайа 57 012,85 га иэннээх сиргэ 195 ойуур  баһаара умуруорулунна диэн СӨ Экологияҕа министиэристибэтэ иһитиннэрэр.

От ыйын 25 күнүн сарсыардатыгар Дьааҥы, Кэбээйи, Мииринэй, Сунтаар уонна Усуйаана улуустарыгар 7 284,4 га иэннээх 11 ойуур баһаара баара бэлиэтэнэр.

Баһаардары умуруорууга 249 киһи уонна 3 тиэхиньикэ үлэлии сылдьар.

Ааспыт сууккаҕа Бүлүү, Ленскэй, Мииринэй уонна Сунтаар улуустарыгар уопсайа 300,2 га иэннээх 7 ойуур баһаара умуруорулунна.

Баһаар сезона саҕаланыаҕыттан 65 киһи ойуур баһаарын туруутугар буруйдаахтара быһаарыллан, 145 боротокуол оҥоһуллубут.

2025 сыл бэс ыйын 5 күнүттэн Ил Дархан ыйааҕынан өрөспүүүбүлүкэҕэ уоту утары ураты эрэсиим олохтоммута.

Ону тэҥэ, Дьааҥы, Өлүөхүмэ, Чурапчы, Эбээн Бытантай улуустарыгар, Жатайга туһунан уоту утары ураты эрэсиим киирбитэ.

Ураты ыксаллаах быһыы-майгы эрэсиимэ Дьааҥы улууһугар биллэриллэн турар.