Хаартыска -- Сергей Сивцев тиксэриитэ.
Бүгүн Дьокуускайга Ил Эйгэ сынньалаҥ баазатыгар ыраах айан суоппардарын өрөспүүбүлүкэтээҕи ыһыахтара буолла.
Ыраах Дьааҥы суоппардара бу тэрээһиҥҥэ хайдах кыттыбыттарын туһунан Ил Түмэн дьокутаата, «Арктика суоллара» тэрилтэ генеральнай дириэктэрин солбуйааччы Сергей Сивцев бу курдук кэпсээтэ:
— Тэрээһин алтыс сылын ыытыллар. Ыраах айан суоппардарын үлэлэрин тоҕоостоох кэмҥэ бэлиэтээн, кинилэргэ махтал тылын бастыҥын этэн ааһар хайаан да наада. Сүрүннээн ыраах айан суоппардара Арктика улуустарыгар, Саха сирин суола-ииһэ мөлтөх хоту улуустарыгар таһаҕас тиэрдэллэр. Онон Саха сирин ыраах улуустарын олоҕо-дьаһаҕа, кэскиллээх сайдыыта кинилэртэн тутулуктаах.
Махтал тылын истиҥин этэн туран, суоппардарга Ил Түмэн, кэккэ министиэристибэлэр уонна Дьааҥы улууһун баһылыга Владислав Иванов наҕараадаларын уонна «Арктика суоллара» тэрилтэ генеральнай дириэктэрэ Владимир Чусовской аатыттан Махтал суругу кытта өйдөбүнньүк бэлэхтэри туттардым. «СӨ суол тырааныспарын бочуоттаах үлэһитэ» аат Андрей Прудецкайга, Семён Чириковка уонна Всеволод Слепцовка иҥэрилиннэ.
Ыһыах чэрчитинэн спортивнай күрэхтэһиилэр буоллулар. Онно өрөспүүбүлүкэбит араас улуустарыттан 7 хамаанда хапсаҕайга, мас тардыһыыга, көлүөһэни хомуйууга уо.д.а. кэрэхсэбиллээх түһүмэхтэргэ кыттыыны ыллылар. Тэрээһин бэрт сэргэхтик ааста.
Бүгүн пааркаҕа сылдьан 2000 сыллардаахха хит буолбут ырыалары иһиттим. Аттыбынан ааста. Арай көрбүтүм, биир киһи…
"Создано на Дальнем Востоке" креативнай индустриялар пуорумнара Дьокуускайга ыам ыйын 29-31 күннэригэр буолуоҕа. Бу үс…
Бүгүн, ыам ыйын 20 күнүгэр, СӨ Ил Дархана Айсен Николаев "Ем.Ярославскай аатынан хотугу норуоттар историяларын…
Ыам ыйын 22 күнүгэр Саха сиригэр Сайылык күнэ бэлиэтэнэр. Бу күн сайын кэлэр уонна саха…
Оҕолорго уонна ыччакка "Вместе против коррупции!" куонкурус ыытыллар. Үөрэнээччилэр уонна устудьуоннар "Вместе против коррупции!" диэн…
Халыма өрүскэ муус харыытын кэтээн көрөллөр. Бүгүн 16:00 ч. иһитиннэриинэн, уу таһыма 1276 см тэҥнэспит.…