Дьаарбаҥка сабыллара чугаһаата

Дьокуускайга «Ас-үөл» быыстапка-дьаарбаҥка ыытыллыбыта бэһис күнэ, түмүктэнэрэ чугаһаата.

Дьокуускай олохтоохторо Дьокуускайдааҕы килиэп кэмбинээтин балааккатыгар түмүстүлэр. Туорт уонна пирожнай 50% чэпчэтиилээх эбит.
Мэҥэ Хаҥалас Хорообутуттан «Алаас-ас» кэпэрэтиибин 5 киилэлээх дьааһыктаах арыытын 7500 солк. атыылыы тураллар. Ап-араҕас арыы дэһэллэр. Хорообут кэтэх ыалын баайтаһын этин дьон хамаҕатык ылар.