Дьаарбаҥкаҕа бастыҥнар ааттаннылар

СӨ Тыатын хаһаайыстыбатын уонна аска-үөлгэ бэлиитикэтин өрөспүүбүлүкэтээҕи «Ас-үөл -2024» быыстапка дьаарбаҥката бүгүн бүтэһик күнэ. Биэс күннээх дьаарбаҥкаҕа бастыҥнары ааттаатылар.

Бородууксуйа араас көрүҥнэригэр кыайыылаахтар билиннилэр. Дипломнары, наҕараадалары туттарыы саҕаланна. «Хоту» кэпэрэтиип, «Эко-птица» , «Сивцев А», Сылаҥ орто оскуолата, «Якутия» ҮАПХ, «Амма» кэпэрэтиип, «Сивцев С» урбаанньыт…Ити курдук хаһаайыстыбалар, урбааннььыттар ааттара үрдүк сценаттан ааттанан иһэр.
Халлаан төһө да тымныытын иһин, дьаарбаҥкаҕа дьон элбэх.

Атыылааччылар бэйэлэрин бородууксуйаларын үчүгэйдик рекламалыыллар. «Саха сүөһүтэ» тэрилтэ миин буһара сылдьар, Кэбээйи Ньидьилиттэн бүгүн 12 дьааһык сибиэһэй собо кэлбит. Кытаатыҥ, дьаарбаҥкаттан сибиэһэй аста атыылаһыҥ.