Хаартыска: «Сунтаар сонуннара» хаһыат
Бэҕэһээ, муус устар 13 күнүгэр, Сунтаар улууһун Дьаархан нэһилиэгэр «Булчут күрэҕэ» буолан ааста. Күрэх Павлов Иван Анатольевич-Саллыы, Дьаархан олохтооҕо, анал байыаннай дьайыы бэтэрээнэ уонна байанайдаах булчут сырдык кэриэһигэр анаан ыытылынна.
Булчуттар күөн көрсөр күрэстэрин арыйар дьоро түгэнэ Дьаарханнааҕы култуура киинигэр буолла. Сунтаар улууһун баһылыгын солбуйааччы Гаврил Еремеев Иван Павлов төрөппүттэригэр Махтал суругу уонна сэмэй бэлэҕи туттарда. Маны тэҥэ Дьаархан олохтооҕор, билигин анал байыаннай дьайыыга кытта сылдьар Андрей Хлебов бойобуой үтүөлэрин иһин ийэтигэр Донецкай Норуодунай Өрөспүүбүлүкэ Георгиевскай кириэс наҕараадатын туттарда. Булчуттар күрэстэригэр уопсайа 23 кыттааччы кэлэн 6 түһүмэххэ кииристилэр.
Бастакы түһүмэххэ кыттааччылар булчут алгыһын этиигэ күрэхтэстилэр. Салгыы ким кыраҕытын быһаарар «Сытыы харах» түһүмэххэ тургутустулар. Манна булчуттар бүнүөкүлүнэн 100 м тэйиччи ханнык кыыл уруһуйдаммытын бириэмэ иһигэр көрөн эттилэр. Үһүс түһүмэххэ кыттааччылар бириэмэҕэ хапкаан иитэн баран хайыһарынан биир эргиир сүүрэн кэлэн хапкааннарын эстилэр.
Оттон төрдүс түһүмэххэ кыылы саҥатынан уонна суолунан таайдылар. Бэһис түһүмэх — МЦ сааны ыһан баран таҥыы уонна сыал ытааһын. Сүрүн күрэһи таһынан тэрийээччилэр кэлбит дьоҥҥо, баҕалаахтарга, бириистээх араас куоҥкуруһу ыыттыллар. Ол курдук, тоҥ хаарынан сүүрүү, ойбон алларыы, быһах күрэҕэ, о.д.а. Оттон «Булчут күрэҕин» уопсай түмүгүнэн кыайыылааҕынан Станислав Гольдеров буолла. Иккис миэстэҕэ Александр Михайлов таҕыста. Оттон үһүс бириистээх миэстэни Алексей Никитин ылла.
Күрэхтэһиигэ олус дьоһун бириистэр туруоруллубуттарын дьон астына бэлиэтээтэ. Хас биирдии түһүмэххэ үчүгэй көрдөрүүнү ылбыт кыттааччылар бириистэри туттулар. Ону таһынан кыттааччыларга анал бириистэри туттардылар. Түмүккэ кытта кэлбит дьон бары илии тутуурдаах бардылар диэн «Сунтаар сонуннара» суруйар.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…