Сэтинньи 25 күнүгэр Дьаархан нэһилиэгин «Дьулуур» успуорт манеһыгар Сунтаар улууһун үөрэнээччилэрин ортолоругар 5-с төгүлүн ыытыллар саха төрүт оҕунан ытыыга «Байанай бэлэҕэ» күрэх буолан ааста.
Күндэйэттэн, Сунтаартан, Бордоҥтон, Тойбохойтон, Маар Күөлтэн уонна Дьаархантан 30 оҕо кыттыыны ыллылар. Барыта 8 кыыс ыппытыттан 4-дэ Дьаархан. 1 миэстэ Айаана Семенова (46 очукуолаах) буолла. 2 миэстэҕэ Айталыына Семенова (40 очукуолаах), 3 миэстэҕэ Маар Күөлтэн Потапова Селена (26 очукуолаах) тахсан кыайыы үөрүүтүн биллилэр.
Айаана уонна Айталыына эдьиийдии-балыстыылар, оҕунан ытыынан сөбулээн дьарыктаналлар. Бу бөлөххө Вера Егорованы (Дьаархан) бэлиэтиэх тустаахпыт. Вера саҥа саҕалыыр ытааччыттан 26 очукуону ылан, хаачыстыба көрөөһүнүнэн кыл-мүччү 4 миэстэ буолла. Бу да олус үчүгэй көрдөрүү.
Уолаттарга бу бөлөххө 10 уол күөн көрүстэ: 1 миэстэни Петров Ариан (Бордоҥ) 46 очукуолаах олус эрэллээхтик ылла. 2 миэстэни Петров Георгий (39 очукуолаах, Бордоҥ), 3 миэстэни Проня Сергеев (31 очукуолаах, Дьаархан) ыллылар.
18-гар диэри саастаах кыргыттарга барыта 5 кыыс илин-кэлин түһүстүлэр: 1 миэстэ — Күндүлээнэ Маркова (24 очукуолаах), 2 миэстэ — Павлова Айгыына (24 очукуолаах). Кыргыттар иккиэн Дьаархан баай уопуттаах охчут кыргыттара. 3 миэстэ Сунтаартан Яковлева Айса-Виктория буолла (22 очукуолаах).
Бу бөлөх уолаттарыгар барыта 8 уол кытынна: 1 миэстэҕэ Кэскил Иванов 22 очукуолаах таҕыста. 2 миэстэҕэ Айаал Николаев 16 очукуолаах. Уолаттар иккиэн Дьаархан оскуолатын 9 кылааһын үөрэнээччилэрэ. 3 миэстэни Маар Күөлтэн Алексей Федоров 15 очукуолаах ылла.
Павел КЫРЕЛОВ