Хаартыска: социальнай ситимнэртэн.
Үлэ испииһэгэр уларытыылары киллэрэр дьаһалы Үлэ министиэристибэтэ ахсынньы 25 күнүгэр бэлэмнээбит, оттон дьаһал олунньу 17 күнүттэн олоххо киирбит.
Ол курдук Үлэ министиэристибэтэ дьахталларга хааччахтаах, буортулаах уонна кутталлаах усулуобуйалаах үлэлэр, дуоһунастар, производстволар испииһэктэрин чуолкайдаата. Дьахталлар билигин экскаватордары уонна погрузчиктары салайан үлэлэтэллэрэ көҥүллэннэ. Бу барыта каадырдар тиийбэттэрин туоратар туһугар оҥоһулунна. Ол эрээри бастаан утаа саҥа үлэһиттэр үлэлиир сирдэригэр үөрэниэхтэригэр диэри кыһалҕалары көрсүөхтэрэ — эр дьон кэлэктиибигэр киирэ сатыыр уустук буолуон сөп диэн эспиэрдэр сэрэтэллэр.
Докумуон дьахталлар экскаватор уонна тиэйэр-таһар тырааныспар массыныыстарынан үлэлииллэрин көҥүллүүр. Ол курдук сир баайын аһаҕастык хостооһуҥҥа, тутулла турар шахталар үрдүлэригэр, аһаҕас шахталарга уонна рудниктарга, о.д.а. сирдэргэ самоход массыыналары салайан үлэлэтиэхтэрин сөп.
Оттон тоҥон туран суудуна түгэҕин анныгар тоннеллары хаһар үлэ дьахталларга хааччахтаммыт.
Дьахталларга бобуулаах идэлэр испииһэктэрэ кэнники сылларга түргэнник кыччаан иһэр. 2021 сыллаахха тохсунньу 1 күнүгэр испииһэккэ 456 үлэ көрүҥэ баар эбит буоллаҕына, билигин 100-кэ диэри кыччаабыт. Ол түмүгэр дьахталлар ыарахан таһаҕас массыыналарын уонна тыа хаһаайыстыбатын тиэхиньикэтин ыыталлар, массыынаны өрөмүөннүүр силиэсэрдэринэн, суудуна боцманынан уонна шкиперинэн, 10 м үөһэ үрдүктээх сиргэ үлэлииллэр, электричкалары, ускуорастаах пуойастары уонна метро пуойастарын ыыталлар.
Туһааннаах министиэристибэ технология сайдан, дьахталларга көҥүллэнэр идэ кэҥээбитин бэлиэтээтэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…