Дьахтар алименын төлөөбөтөҕүн иһин көҥүлэ быһылынна

Дьахтар алименын төлөөбөтөҕүн иһин сууттанна уонна көҥүлэ быһылынна.

Хаандыга бөһүөлэгэр 42 саастаах дьахтар икки оҕотун көрбөтүн, ииппэтин, алименын төлөөбөтөҕүн иһин сууттанна. Иэһин суумата 1 мөлүйүөн солкуобайтан тахсыбыт. Оҕолоро эппэкииннэргэ иитиллэ сылдьаллар.

Бу дьахтар төрөппүт бырааба быһыллыбыт эбит. Кини  урут эмиэ алименын төлөөбөтөҕүн иһин холуобунай буруйга тардылла сылдьыбыт. Бу саҥа дьыалата көрүллэр кэмигэр ол сууттаммыт болдьоҕо сабылла илик эбит.  Дьахтар бастайааннай үлэтэ суоҕа, иһэрэ-аһыыра биллибит.

Бириистэптэр төһө да миэрэ ылбыттарын иһин, дьахтар бэйэтигэр туох да түмүгү оҥостубатах, төрөппүт эбээһинэстэрин толорортон куотуммут, онон РФ Холуобунай кодексын 157 ыстатыйатын 1 чааһынан холуобунай дьыала тэрилиннэ.

Суут дьахтары буруйдааҕынан аахта уонна холуонньаҕа 6 ыйга диэри көҥүлэ быһылларыгар уураахтаата диэн бириистэптэр федеральнай сулууспалара иһитиннэрэр.