Дьахтар баарга билсэн баран, харчыта суох хаалбыт

ИДьМ «Дьокуускайдааҕы» 3-с №-дээх полициятын отделыгар Дьокуускай куорат олохтооҕо тыллаабыт, диэн  ИДьМ пресс-сулууспата иһитиннэрэр.

Полиция үлэһиттэригэр кини кэпсээбитинэн, баарга сылдьар кэмигэр эр киһи суумкатыттан 131 000 солкуобайы уорбут.

Суһал-көрдүүр дьайыыларынан холуобунай ирдэбил үлэһиттэрэ уорбаланааччыны быһаарбыттар. Ньурба улууһуттан төрүттээх 23 саастаах эдэр киһи буолара биллибит.

Силиэстийэнэн быһаарыллыбытынан, дьахтар ол күн муспут харчытын устубут уонна табаар атыылаһарга былааннаммыт. Ол эрээри, киэһэ дьүөгэтэ кинини түүн үлэлиир тэрилтэтигэр барарга тылыгар киллэрбит. Баарга эмсэҕэлээччи буруйу оҥорооччуну кытта билсибит, ол киһитэ дьахтар көрбөтүнэн туһанан, суумкатыттан харчытын уорбут. Харчы улахан аҥаарын буруйу оҥорооччу таксыы, сауна төлөбүрүгэр, арыгы уонна ас-үөл атыылаһыытыгар туһаммыт. Уоруллубут харчы сорҕото төннөрүлүннэ. РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ.