Дьахтар балыыһаҕа киирэн тыына быстыбыт

Ааспыт сууккаҕа Саха сиригэр аҕыс  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Мииринэйгэ 1988 с.т. дьахтар доруобуйатыгар ыар эчэтиини оҥороннор, эмсэҕэлээччи балыыһаҕа киирэн тыына  быстыбыт. Бу быһылааҥҥа уорбаланааччы ким буолара быһаарылынна.

Дьокуускайга уоруу туһунан иһитиннэрии киирдэ. Бүлүү куоракка, Сунтаар сэлиэнньэтигэр сокуону кэһэн туран арыгы атыылааһын,  Ленскэйгэ, Мэҥэ Хаҥаласка уонна Ньурбаҕа сааны-саадаҕы, ботуруону сокуону кэһэн харайыы  түгэннэрэ бэлиэтэннэ.

Дьокуускайга баар Дьиэ кэргэн өрөспүүбүлүкэтээҕи кииниттэн  2025 с. т. икки кыыс  оҕо эчэйиини ылан   балыыһаҕа киирбиттэринэн бэрэбиэркэ ыытыллар. РФ Холуобунай кодексын 293 ыст. 2 ч. холуобунай дьыала көбүтүлүннэ.