Хаартыска: СИА.
Балаҕан ыйын 6 күнүгэр Хаҥалас улууһугар дьахтар дьиэтигэр төрөөтө. Дьахтар кэргэнэ ойоҕо, оҕото балыыһаҕа киирэллэрин утарсыбыт, ол иһин быраастар полицияны ыҥырбыттар.
Доруобуйа харыстабылын министиэристибэтин үлэһиттэрэ СИА-ҕа кэпсээбиттэринэн, суһал көмө быраастара дьиэҕэ кэлбиттэрэ, дьахтар номнуо төрөөн эрэр эбит. Этэҥҥэ быыһаммытын кэннэ, эр киһи ойоҕо уонна саҥа төрөөбүт оҕото балыыһаҕа киирэллэрин боппут, кыккыраччы аккаастаммыт. Онон быраастар полицияны ыҥырбыттар уонна эппиэкэ уорганнарыгар, борокуратуураҕа биллэрбиттэр.
Хаҥалас улууһун киин балыыһатыгар иһитиннэрбиттэринэн, дьахтар хат буолуунан учуокка турартан аккаастаммыт, дьахтар консультациятыгар сылдьыбатах. Балаҕан ыйын 9 күнүгэр оҕотун ылаат, төрүүр дьиэттэн тахсан барбыт.
Полициялар, сокуоннай саастарын туола илик оҕолор дьыалаларын иниспиэктэрдэрэ дьиэҕэ тиийбиттэригэр, 52 саастаах эр киһи үөхсэрин, утарылаһарын, күүһүнэн өттөйөрүн иһин, полиция отделыгар илдьибиттэр, административнай быраабы кэһии боротокуола толоруллубут. Бу киһи урут хаста да административнай уонна холуобунай быраабы кэһиини (ол иһигэр уоруу уонна халааһын) оҥорбут эбит.
Дьиэ кэргэҥҥэ 2008, 2012, 2018, 2021, 2023 сс. төрүөх 5 оҕо баара биллибит. Икки кыра оҕолоро туох да докумуона суохтар.
Хаҥалас улууһун эппиэкэҕэ, попечительствоҕа уорганын ыйыытынан, үс улахан оҕолорун Мохсоҕоллооххо Дьиэ кэргэҥҥэ көмөлөһөр кииҥҥэ киллэрбиттэр, икки кыраларын педиатрическай отделениеҕа быраастар көрөллөр-истэллэр.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…