Дьахтар эр киһиэхэ ыалдьыттаары, ноутбук уоран барбыт

Дьокуускай полициятыгар дьахтар дьиэтиттэн ноутбугун уорбуттарын туһунан иһитиннэрбит. Маныаха Үөһээ Бүлүү улууһуттан төрүттээх 43 саастаах дьахтар уорбаланара быһаарыллыбыт диэн СӨ ИДьМ пресс-сулууспата суруйар.

Быраабы араҥаччылааччылар быһаарбыттарынан, сайабылыанньаны суруйбут дьахтар аҕата дьиэҕэ ким да суоҕуна уорбаланааччыны ыҥырбыт. Ыалдьыт миин нобуорун илдьэ кэлэн, ас астаабыт. Ол кэнниттэн бииргэ арыгылаабыттар. Эр киһи дьахтартан өссө биирдэ миин нобуорун аҕаларга көсрдөспүт. Дьахтар ону ыла барбыт уонна дьиэҕэ төннөн кэлбитигэр, эр киһи утуйа сытарыгар түбэспит. Миинин нобуорун хаалларан баран, ноутбук сытарын ылан барбыт. Бу эр киһи кыыһын ноутбуга эбит.

Ноутбугу төттөрү ылбыттар. Уоруунан холуобунай дьыала тэриллибит.