Дьахтар эр киһини кытта билсэн баран ытарҕата, наушнига уонна харчыта суох хаалбыт

Дьокуускайдааҕы полиция отделыгар олохтоох дьахтар 47000 солк. тахса суумалаах баайын-дуолун уорбуттарын туһунан тыллаабыт.

Холуобунай ирдэбил үлэһиттэрэ буруйданааччы лиичинэһин быһаардылар. Урут сууттана сылдьыбыт 37 саастаах эр киһи буолара билиннэ. Бу туһунан ИДьМ пресс- сулууспата иһитиннэрэр.

Дьахтар куорат биир баарыгар эр киһини кытта билсибит уонна салгыы арыгы иһэргэ дьиэтигэр ыалдьыттыы ыҥырбыт. Дьахтар утуйбутун кэннэ буруйданаачы кыһыл көмүс ытарҕатын, наушнигын ылбыт уонна онлайн-баан нөҥүө 22 000 солк. суума харчытын уорбут. Уоруллубут маллары атыылаабыт, оттон харчыны тус бэйэтин наадатыгар туһаммыт. Холуобунай дьыала тэрилиннэ. Эр киһи биэс сылга диэри көҥүлэ быһыллыан сөп.