Дьахтар эр киһиттэн көрдөрбүтүнэн харчытын уорбут

Ньурба улууһун полициятын дьуһуурунай чааһыгар олохтоох киһи кэлэн киниттэн 6 тыһ. солк. аһаҕастык уорбуттарын туһунан иһитиннэрбит.

Суһал-көрдүүр үлэ түмүгэр полиция участковайа халааһыҥҥа уорбаланааччыны быһаарбыт. Бу иннинэ сууттана сылдьыбыт 42 саастаах олохтоох дьахтар эбит.

Эмсэҕэлээччи уонна уорбаланааччы быһылаан тахсар түгэнигэр биир улахан хампаанньаҕа арыгылаабыттарын да иһин, бэйэ-бэйэлэрин билсибэттэр эбит. Арыгылыы олорон, кууркатыттан дьахтар харчыны уораат түргэнник куотан хаалбытын эр киһи көрөн хаалбыт.

РФ Холуобунай кодексын 161-с ыстатыйатын 1 чааһынан (“Халааһын”) холуобунай дьыала тэриллибит. Бу туһунан пресс-сулууспа иһитиннэрэр.