Дьахтар эрин быһаҕынан түөскэ анньан өлөрбүтүнэн көҥүлэ быһылынна

Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт дьахтарга бириигэбэрин таһаардылар. Бу туһунан СӨ Борокуратуурата иһитиннэрэр.

Дьыала матырыйаалларынан, буруйу оҥоруу 2024 сыл сэтинньи бүтүүтэ буолбут. Сууттанааччы итирик туруктаах сылдьан, иирсээн кэмигэр эрин түөскэ куукуна быһаҕынан анньыбыт. Ылбыт бааһырыыттан эр киһи быара эчэйэн, балыыһаҕа өлбүт. Суут, судаарыстыбаннай буруйдааччы этиитин болҕомтоҕо ылан, дьахтары буруйдааҕынан билиннэ уонна кинини 7 сыл уопсай эрэсиимнээх холуонньаҕа көҥүлүн быһарга уураахтаата. Суут бириигэбэрэ сокуоннай күүһүгэр киирэ илик.