Дьахтар гостиницаҕа бииргэ арыгылаабыт доҕоруттан харчы уоран тутулунна

ИДьМ «Дьокуускайдааҕы» салаатын 1 №-дээх полиция отделын дьуһуурунай чааһыгар олохтоох  киһи 4 000 солк. суума харчытын уорбуттарын туһунан сайабылыанньа түһэрбит.

ИДьМ пресс-сулууспатын иһитиннэриитинэн, суһал-ирдиир тэрээһиннэринэн  холуобунай ирдэбил үлэһиттэрэ уорабаланааччыны быһаардылар. Урут сууттана сылдьыбыт 43 саастаах олохтоох дьахтар буолара биллибит.

Силиэстийэҕэ быһаарыллыбытынан, эмсэҕэлээччи дьүөгэтин гостиница нүөмэригэр бииргэ арыгы иһэргэ ыҥырбыт. Эр киһи утуйбутун кэннэ, хара санаалаах дьахтар харчытын уорбут уонна гостиницаттан тахсан барбыт. РФ Холуобунай кодексатын 158 ыстатыйатын 1 чааһынан «Уоруу» ыстатыйанан холуобунай дьыала тэрилиннэ. Дьахтар икки сылга диэри көҥүлэ быһыллыан сөп.