Дьахтар гостиницаҕа утуйа сыттаҕына, харчытын уорбуттар

Дьокуускайдааҕы полиция отделыгар дьахтар гостиницаҕа хоно сытан, 10 600 солк. харчытын уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ эрдэ сууттана сылдьыбыт Кэбээйиттэн төрүттээх 44 саастаах киһи уорбаланарын быһаарбыттар.

Быһаарыллыбытынан, уорбаланааччы дьахтары кытта биир гостиницаҕа тохтообуттар. Ыаллыы хос аана аҕаһас хаалбытын туһанан, эр киһи өҥөйөн көрбүт. Дьахтар утуйа сыппыт. Ол сыттаҕына, эр киһи киирэн туумбаҕа хаалларбыт харчытын уораны ылбыт. Уоруллубут үбүнэн арыгы, бородуукта атыыласпыт.

Холуобунай дьыала тэрилиннэ.