Дьахтар хараҕын алҕас уһуктаах харандааһынан дэҥнээбиттэр

Саҥа дьыл өрөбүллэригэр 34 саастаах Саха сирин олохтооҕо дьахтар хараҕын алҕас уһуктаах харандааһынан дэҥнээбиттэр. Харандаас дьахтар хараҕын дьэҥкир бүрүөтүн дириҥник эчэппит. Саха сиринээҕи офтальмологтар ыарыһах хараҕын чөлүгэр түһэрбиттэр.

Бу Саҥа дьыл өрөбүллэригэр буолбут. Ыарыһаҕы тохсунньу 3 күнүгэр балыыһаҕа киллэрбиттэр.

“Оннооҕор көннөрү канцелярия табаара кутталы үөскэтиэн сөп. Харах балыыһатыгар ыарыһах Алдан оройуонуттан кэлбитэ. Оҕо харандааһынан алҕас хараҕын дэҥнээбит. Уһуктаах харандаас дьахтар хараҕын дьэҥкир бүрүөтүн уонна тас маҥан бүрүөһүнүн (склер) дириҥник эчэппит.  Быраастар бастакы хирургическай көмөнү оҥорбуттара, ону тэҥэ, тикпиттэрэ” – диэн офтальмолог-быраас, өрөспүүбүлүкэтээҕи харах балыыһатын кылаабынай бырааһын эбээһинэһин толорооччу Пантелеймон Аргунов кэпсээбит.

Эпэрээссийэ этэҥҥэ ааспыт, ыарыһаҕы соторутааҕыта балыыһаттан таһаарбыттар. Билигин тастан сылдьан көрдөрүгэр диэн Харах балыыһатын телеграм-ханаалыгар суруйаллар.