Дьахтар инбэлиити эчэтэн 10 сууккаҕа хаайылынна

Кэбээйи оройуонун суута Сангаар бөһүөлэгин 40 саастаах олохтооҕун административнай буруйу оҥорууга буруйдааҕынан билиннэ уонна 10 сууккаҕа хаайарга уураахтаата.

Суут быһаарыытынан, 2024 сыл атырдьах ыйыгар арыгы иһэн баран дьахтар билэр киһитин охтон түөһүр диэри анньыбыт. Эр киһи охторугар муостаҕа күүскэ төбөтүн эчэппит. Быраастар эр киһи хаҥас хараҕын, төбөтүн  эчэппитин бэлиэтээтилэр. Тахсыбыт түбэлтэ арыгы иһии төрүөтэ буолара билиннэ.

Суут дьахтары буруйу оҥоруу билиннэ, ону тэҥэ арыгы иһэн баран  инбэлиит киһини эчэппитин учуоттаата.

Кэбээйи оройуонун суута маннык түбэлтэ тахсыытын 2024 сылга бары административнай дьыалалартан 53,4%-нын ыларын бэлиэтиир. Маннык административнай сокуону кэһиилэр төрүөтүнэн дьарыга суох буолуу уонна арыгыны иһии буолара бэлиэтэннэ. Бу туһунан СӨ Сууттарын холбоһуктаах пресс-сулууспата иһитиннэрэр.