Дьахтар наркотигынан эргинэн 17 сылга көҥүлэ быһылынна

Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр.

Суут быһаарбытынан, сууттанааччы дьахтар 2022 сыл алтынньытын иннинэ интэриниэт нөҥүө билсэн, наркотигынан эргинэр буруйу оҥорор тэриллиилээх бөлөххө киирбит.

«Кураатар» ыйыытынан 2023 сыл алтынньытыгар Дьокуускайга баар кистэммит сиртэн 9,5 грамм ыйааһыннаак наркотик баартыйатын ылбыт. Борокуратуура информациятынан, наркотик олорор дьиэ аадырыстаах табличкатын кэннигэр кистэниллибит. Ол ыйга дьахтар почтанан салгыны ыраастыыр рециркуляторы туппут, онно 155 грамм бобуулаах бэссэстибэ кистэнэ сылдьыбыт.

Дьахтар салгыы бу наркотиктарынан сатаан эргиммэтэх, полициялар туппуттар.

Суут эрдэ ылыныллыбыт бириигэбэри учуоттаан, дьахтар көҥүлүн 17 сылга быһарга уураахтаабыт.