Хаартыска: СӨ Борокуратууратын пресс-сулууспата
63 саастаах биэнсийэлээх дьахтар мэдииссинэ фирмата тэрийбит түөкүннээһин схематын сиэртибэтинэн буолла.
Дьахтар 900 тыһ. тахса солк. харчытын сүтэрбит. СӨ Борокуратуурата иһитиннэрэринэн, дьахтарга сүһүөх ыарыытын эмтииргэ дьикти мааһы атыылаһарга түөкүттэр эрийэн тахсыбыттарыттан саҕаламмыт.
Түөкүттэр угаайыларын дьахтар 6500 солкуобайы ыыппыт, ол эрээри атыыласпытт мааһа туһалаабатах, ол оннугар аллергиялаабыт. Кэлин дьахтарга хампаанньа утары холуобунай дьыала көбүтүллэрин туһунан «силиэдэбэтэл» эрийбит уонна харчытын толуйарга суут көрүүтүгэр сайабалыанньа суруйарга сүбэлээбит. Дьахтар түөкүөттэр дьайыыларынан юрист аатыгар дэбиэриннэс оҥорууга 5 тыһ.солкуобайы уонна судаарыстыбаннай пошлинаҕа 34,5 тыһ. солк. ыыталаабыт. Ити кэннэ «силиэдэбэтэл» мэдиссиинэ фирмата суут уурааҕынан дьахтарга 6,4 мөлүйүөн солкуобайы төлүүрүн туһунан биллэрбит.
Салгыы дьахтарга «Киин баан үлэһитэ» кэмпэнсээссийэ харчытын ыларга саҥа баан каартатын арыйарга уонна 250 тыһыынча солкуобайы каартаҕа угар наадалааҕын туһунан иһитиннэрбит.
Итинэн түөкүттэр албыннара тохтооботох. Дьокуускайга диэри каартаны тиэрдиигэ курьер өҥөтүгэр — 109 тыһ. солк., ону таһынан страховка төлөбүрүгэр — 280 тыһ. солк. уонна эбии төлөбүрдэргэ — 226 тыһ.солк. харчыны эбии көрдөөн ылбыттар.
Ол курдук, дьахтар түмүгэр 900 тыһ. солк. тахса суума харчытын сүтэрбит. Билигин дьыалаҕа силиэстийэлиир үлэлэр ыытыллаллар, борокуратууранан хонтуруолланар.
Суут быһаарбытынан, 41 саастаах сууттанааччы дьахтар урут итирик туруктаах массыына ыыппытын иһин административнай эппиэккэ тардылла…
Үгүстэр тимир көлө бэнсиини элбэҕи «сиирин» оҥоһуллубут сылынан эбэтэр ыраах сүүрбүтүнэн быһаараллар. Ол эрээри, төрүөтэ…
Саха сиригэр «Аҕа-урбаанньыт» диэн өрөспүүбүлүкэтээҕи үөрэх бырайыагар сайаапкалары тутуу саҕаланна. Бу бырайыак РФ Бэрэсидьиэнэ Владимир…
Дьокуускай куораттааҕы үөрэх управлениетын начаалынньыга Мария Петрова саха тылын үөрэтиигэ икки барыйаан баарын эппит. Сахалыы…
РФ, СӨ култууратын үтүөлээх үлэһитэ, 2025 сыллааҕы национальнай уопсастыбаннай бириэмийэ лауреата, Саха сиринээҕи "Симэх" национальнай…
Бу сыл саҕаланыаҕыттан Саха сиригэр 600-чэ тыһыынча квадратнай миэтэрэ дьиэ үлэҕэ киирдэ. Дьыл бүтүүтэ бу…