Дьахтар тутуу хампаанньаттан бөдөҥ суума харчыны сууттаһан ылбыт

Дьокуускай куорат суута элбэх кыбартыыралаах дьиэни тутан бүтэрэр болдьоҕу хойутаппытын иһин тутааччыны дуогабар сууматын төнүннэрэргэ эбээһинэстээтэ.

Киин куорат олохтооҕо 2021 сыл ахсынньытыгар дуогабарынан ипотекаҕа икки хостоох кыбартыыраны атыыласпыт. Тутуу дуогабарыгар олоҕуран, дьиэни үлэҕэ киллэрии болдьоҕо 2023 сыл кулун тутар 30 күнүнэн олохтоммут. Оттон кыбартыыраны туттарыы аахтатынан эбийиэк үлэҕэ киирбитин кэннэ үс ыйтан хойутаабакка биэриэхтээхтэр эбит. Ол эрээри, тутааччы дьиэни үлэҕэ киллэриини 10 ыйга, оттон кыбартыыра күлүүһүн туттарыыны 16 ыйга хойутаппыт. Тутааччы бэйэтин көҥүлүнэн дуогбар сууматын төнүннэрэртэн уонна кыбартыыраны биэрэртэн аккаастаммыт. Онон сибээстээн, дьахтар суукка үҥсэн, тутааччыттан 1 704 990 солкуобайы уонна туттааччы ирдэбилин толорботун иһин 852 495 солкуобайдаах ыстараабы төлөттөрөрү ирдээбит.