Дьахтар түүҥҥү кулуупка сынньанаары массыынаны күрэппит

Ааспыт сыл бүтүүтэ Дьокуускай полициятын отделыгар «Тойота Вист»» массыына хаһаайкатыттан массыынаны күрэппиттэрин туһунан сайабылыанньа киирбит.

Госавтоинспекция үлэһиттэрэ «Перехват» эпэрээссийэни ыытаннар буруйданааччыны туттулар. Бу туһунан ИДьМ пресс-сулууспата иһитиннэрэр.

Силиэстийэ быһаарбытынан, Өлүөхүмэ оройуонун 48 саастаах дьахтара доҕотторугар ыалдьыттаан баран, Дьокуускай куорат биир түүҥҥү кулуубугар киэһэни салгыы атаарарга быһаарыммыт. Олорор дьиэтин тиэргэнигэр массыына тутааҕыттан тардаат, аана хатаммакка турарын билэн массыынаны күрэтэргэ санаммыт. Итирик туруктаах сылдьан суоппар дьахтар атын киһи массыынатынан түүҥҥү кулуупка диэри айаннаан тиийэргэ быһаарыммыт. Холуобунай дьыала тэрилиннэ. Массыынаны хаһаайкатыгар төнүннэрдилэр.