С.Львова хаартыската
Дьокуускай куоратын суута Хаҥалас улууһун 52 саастаах олохтооҕун түөкүннээһин дьыалатыгар буруйдааҕынан билиннэ.
Биэс сыл устата дьахтар кылаабынай буҕаалтырынан үлэлии сылдьан, хампанньаттан 82 мөл. солк. тахса харчыны уорбут. Ол туһунан олунньу 17 күнүгэр Саха сирин сууттарын холбоһуктаах пресс-сулууспатыгар иһитиннэрдилэр.
«Буҕаалтырынан үлэлии сылдьан буруйдаах дьахтар хампаанньа салалтата сөбүлэҥэ суох харчыны бэйэтэ дьаһайар бырааба суоҕун билэр эбит. Ол да буоллар, кини дириэктэри итэҕэтэн, иҥсэ-обот санаатынан улахан суумалаах харчыны уорбут», — диэн иһитиннэриигэ суруллубут.
2017 сыл от ыйыттан 2022 сылга диэри дьахтар киин куорат биир тутуу хампаанньатыгар кылаабынай бууҕаалтырынан үлэлээбит. Ыйыллыбыт кэм устата, суут дааннайынан, дьахтар 82 121 418 солк. 32 харчыны уорбут. Уорбут харчыны тус наадатыгар туһаммыт.
Буруйдаах дьахтары биэс сылга болдьохтоох уопсай эрэсиимнээх холуонньаҕа хаайарга буруйданна уонна 500 тыһ.солк. суумаҕа ыстарааптанна. Ону сэргэ суут 20,7 мөл. солк. тахса суумалаах гражданскай ирдэбиллэр бигэргэннилэр. Буруйдаах дьахтары суут саалатыттан хаайарга быһаарылынна.
Уһук Илиҥҥэ ыччат бастакы симфоническай оркестрын тэрийии туһунан бүгүн, олуннь 20 күнүгэр кэпсэттилэр. Ол курдук,…
Бу күннэргэ Нам улууһун гимназиятын дириэктэрэ уонна Хотугулуу-Илиҥҥи федеральнай университет ректора сонун сүүрээни -- “Технологическай…
Ааспыт нэдиэлэҕэ Уус Алдан улууһугар ситэриилээх былаас отчуота буолан ааспыта. Өнөр нэһилиэгэр хас биирдии тыл…
КСВО байыаннай дьайыы кыттыылаахтарын дьиэ кэргэттэрин кэмитиэтэ байыастар докумуоннарын хомуйан саҕалаата. Бу докумуоннары Саха сирин…
Ааспыт нэдиэлэҕэ Өксөкүлээх Өлөксөй аатынан Норуоттар доҕордоһууларын дьиэтигэр “Ырыа ыллыгынан сулустардыын” өрөспүүбүлүкэтээҕи ырыа бырайыага буолан…
Горнай улууһун Аһыма сэлиэнньэтигэр бу күннэргэ уопсайа 71 туонна оту Хаҥалас улууһун Уулаах Ааныттан тиэйэн…