Хаартыска: Андрей Сорокин, СИА
СӨ холуобунай ирдэбил үлэһиттэрэ суһал-көрдүүр дьаһалларынан дьахтар дьиэтиттэн утуйа сыттаҕына ювилернай киэргэллэрдээх сиэйпэни уорбут, урут сууттана сылдьыбыт, Дьокуускай куорат 48 саастаах олохтооҕун туттулар.
Санаттахха, полицияҕа дьахтар кыбартыыратыттан 1,5 мөлүйүөн солкуобай ювилернай киэргэллэрдээх сиэйпэни уорбуттарын туһунан сайабалыанньа суруйбут. Оперативниктар буруйу оҥорууга дьахтар билэр киһитигэр ыалдьыттыырыгар кыттыгастааҕын быһаарбыттар.
Арыгы иһэн баран эр киһи дьахтар утуйбутунан туһаммыт. Дьахтар олорор дьиэтин аадырыһын билэр буолан, утуйбутун кэннэ суумкатыттан дьиэ күлүүһүн ылбыт. Таксыынан айаннаан тиийэн, эр киһи кыбартыыра иһигэр судургутук киирбит. Аан бастаан көмүһү көрдөөбүт, оттон сиэйпэни булан дьиэттэн тутан тахсыбыт.
Уоруллубуту бэйэтин билэр киһитин чааһынай дьиэтигэр илдьибит. Хаһаайын үнүстүрүмүөннэрин туһанан сиэйпэни алдьатан арыйбыт. Кыһыл көмүс, үрүҥ көмүс киэргэллэри ломбардка туттарар былааннаах сылдьыбыт.
Уорбаланааччыны куорат кытыытыгар полицейскайдар сиэйпэни быраҕар кэмигэр туппуттар. Билиҥҥи кэмҥэ уоруллубут көмүс былдьанна. Эр киһи буруйу оҥорууга мэлдьэспэтэх, буруйун толору билиммит. Холуобунай дьыала тэрилиннэ.
Хаартыскаҕа түһэрэр камералаах суотабай төлөпүөн үөдүйүөҕүттэн, хас биирдии хардыыбытын хаартыскаҕа түһэрэр идэлэннибит. Ол эрээри дьиҥнээх…
Ааспыт сууккаҕа Саха сиригэр икки буруйу оҥоруу тахсыбыта бэлиэтэммит. Бу туһунан СӨ Борокуратууратын дьуһуурунай борокуруора…
Бу сырыыга Күн «өлүүтүн» Европа чааһыгар олорор Арассыыйа олохтоохтор түһэрэн ыыттылар. Бу астрономическай көстүү кэмигэр…
Былырыын муус устар 1 күнүгэр диэри Арассыыйа гражданствотын ылбыт омуктар атын омук дойду суоппар дастабырыанньатын…
Оптуорунньуктан, муус устар 1 күнүттэн, Арассыыйаҕа биэнсийэҕэ сыһыаннаах саҥа быраабылалар үлэлиэхтэрэ. 4,2 мөл. тахса биэнсийэлээхтэрэ…
Люберцы куоракка эр дьоҥҥо уонна дьахталларга мас-рестлиҥҥа Арссыыйа чөмпүйнээтигэр 150-ча спортсмен 25 эрэгийиэнтэн кытынна. Иккис…