Дьахтарга саба түспүт алабай хаһаайынын буларга куорат баһылыга сорудахтаата

Тохсунньу саҥата Дьокуускайга «Үрдэл” сынньалаҥ пааркатыгар дьахтарга саба түспүт алабайы суһаллык булан эппиэтинэскэ тардар туһунан куорат баһылыга Евгений Григорьев иһитиннэрдэ.

Ол курдук кини:

«Социальнай ситимнэргэ, дьиэлэр уопсай бөлөхтөрүгэр дьахтарга саба түспүт ыт хаартыскатын киэҥник тарҕатыҥ. Баҕар ыты көрөн ыаллыы олорор дьон хаһаайыны буларга көмөлөһүөхтэрэ», — диэн чуолаан Гагаринскай уонна Строительнай уокуруктар олохтоохторугар туһаайбыт.

СӨ Бэтэринээрийэтин департаменын үлэһиттэрэ олбуордарынан кэрийэн ыытар, хонтуруоллуур тэрээһиннэрэ ыт хаһаайынын була илик.

Онон аны иккистээн маннык иэдээн хатыламматын туһугар алабай хаһаайынын буларга куорат олохтоохторо көмөлөһүҥ!