Дьахтары эчэппит эр киһиэхэ холуобунай дьыала тэрилиннэ

ИДьМ Дьокуускай куорат 1 №-дээх салаатын дьуһуурунай чааһыгар Дьокуускай олохтооҕуттан  үҥсүү киирбит.

Ол курдук дьахтары эрдэ бииргэ олоро сылдьыбыт киһитэ охсубутун туһунан иһитиннэрбит. Суһал, ирдиир  тэрээһиннэр түмүктэринэн, холуобунай ирдэбил үлэһиттэрэ 38 саастаах эр киһини туппуттар. Онно биллибитинэн, быһылаан уорбаланааччы эр киһи массыынатын иһигэр тахсыбыт. Тыл-тылга киирсибэккэ тахсыбыт кыыһырсыы түмүгэр, эр киһи дьахтарга  төбөтүнэн  муннутугар  сааллыбыт. Ол түмүгэр дьахтар муннута тостубут.

ИДьМ пресс-сулууспата иһитиннэрбитинэн, Арассыыйа Федерациятын Холуобунай кодексатын 112 ыст.1 ч. «Киһини соруйан эчэтии иһин»  диэнинэн холуобунай дьыала тэриллибит.