Дьахтары кырбаабыт эр киһини полиция булла

Полиция үлэһиттэрэ интэриниэти мониториннааһын кэмигэр, Дьокуускайга Петровскай уулуссатыгар баар дьиэ подъеһыгар эр киһи дьахтары кырбыыр видеотын булбуттар. Бу туһунан «Дьокуускайдааҕы» ИДьМ пресс-сулууспата иһитиннэрэр.

Ботурууллуур сулууспа үлэһиттэрэ Алдан оройуонуттан төрүттээх 33 саастаах киһи буоларын быһаарбыттар. Эр киһини полиция отделыгар аҕалбыттар.

Барыллаан быһаарбыттарынан, эр киһи уонна кини бииргэ олорор дьахтарын кытта арыгылааһын түмүгэр этиһии тахсыбыт.

Бэрэбиэркэ салгыы ыытыллар.