Дьахтары массыынанан түҥнэри көттүлэр

Ааспыт сууккаҕа, олунньу  4 күнүгэр, Дьокуускай куоракка  11 суол быһылаана таҕыста. Икки киһи араас эчэйиини ылбытын туһунан куораттааҕы Госавтоиниспиэксийэ иһитиннэрэр.

Күнүс  13 чаас саҕана Дзержинскэй уул.  15  №-дээх дьиэтин таһыттан тахсыыга,   41 саастаах   «Toyota Wish» суоппара   «Toyota Corolla Fielder» массыынаҕа суолу биэрбэккэ, харсыспыттар.  Ол кэннэ   «Toyota Corolla Fielder» массыынаҕа олорсон испит 19 саастаах пассажир араас эчэйиини ылан, балыыһаҕа көрдөрүммүт.

Киэһэ  18 чаас саҕана Строд уул. 10/2 №-дээх дьиэ таһыгар  25 саастаах  «Honda Vezel» суоппара   сатыы киһи  туоруур сиригэр дьахтары түҥнэри көппүт.  Дьахтар балыыһаҕа госпитализацияламмыт. Билигин туһааннаах быһылаанынан бэрэбиэркэ ыытыллар.