Дьахтары түүҥҥү кулуупка эчэппит эр киһини көрдүүллэр

Дьокуускайга түүҥҥү кулуупка эр киһи дьахтары төбөтүнэн сирэйгэ  охсон эчэппит видеота социальнай ситимҥэ тарҕанна.

Дьон санаата видеону көрөн баран араастаһар. «Түүҥҥү кулуупка бэрээдэктээх дьахтар сылдьыбат», «Эр киһини кытта тэҥҥэ аахсар дьахтары сөпкө охсубут» диэбиттэр. Ол эрээри үгүстэр дьахтары эчэппит эр киһини сүөргүлээбиттэр. «Маннык эр киһини киһи да диир кыаллыбат» диэбиттэр.

ИДЬМ пресс-сулууспата иһитиннэрбитинэн, билиҥҥи туругунан дьахтары эчэппит эр киһини 4№-дээх полиция салаата көрдүү сылдьар.

Түүҥҥү кулуупка сылдьыы, аһыы утаҕы иһии туох даҕаны үчүгэйгэ тиэрдибэт