С.Львова хаартыската
Ааспыт сыл ахсынньы 20 күнүгэр Аллараа Бэстээххэ эр киһи урут бииргэ олоро сылдьыбыт дьахтарын көрсөн баран албыннаан массыынатыгар олордубут уонна дьахтар утарсарын үрдүнэн Майа сэлиэнньэтигэр уоран илдьэ барбыт.
Айаннаан иһэн эр киһи дьахтар төлөпүөнүн былдьаабыт, куттуур сыаллаах хаста даҕаны сирэйгэ уонна этин-сиинин охсуолаабыт. Майаҕа тиийэн баран дьахтары кыбартыыратыгар киллэрбит уонна күүһүнэн хаайан олорбут. Эмсэҕэлээччи тохсунньу 6 күнүгэр биирдэ босхоломмут. Ол курдук, эр киһи утуйа сытарын туһанан, кини төлөпүөнүттэн аймах кыыһыгар суруйбут. Онуоха аймах кыыс тута полицияҕа үҥсүбүт.
Мэҥэ Хаҥалас улууһун борокуратурата 38 саастаах эр киһиэхэ Арассыыйа Федерациятын холуобунай кодексатын 126 ыст. 2 ч «в» п. (киһини күүс өттүнэн модьуйан уоруу) диэнинэн холуобунай дьыаланы бигэргэттэ уонна суут көрүүтүгэр ыытта.
Буруйу оҥоруу иһин эр киһи 12 сылга диэри хаайыы болдьоҕор ууруллуон сөп диэн СӨ борокуратууратын пресс-сулууспата иһитиннэрэр.
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…