Бүгүн, алтынньы 25 күнүгэр, ааҕааччылар биһирэбиллэрин ылбыт, элбэх дьиэ кэргэн истиҥ доҕор, арахсыспат аргыс оҥостубут «Далбар хотун» сурунааллара 30 сыллаах үөрүүлээх бэлиэ күнүнэн Бэчээт дьиэтин медиа-киинигэр тэрээһин буолар.
Бу сүргэни көтөҕөр ураты күн мустар ыалдьыттары “Далбар хотун” хаартысканан быыстапката күүтэр. Манна сурунаал тэриллиэҕиттэн үлэни-хамнаһы, историяны кэпсиир, көрдөрөр кэм кэрэһитэ хаартыскалар болҕомтону тардыахтара. Тэрээһин иитинэн сурунаал атыыта, сурутуута ыытыллыа.
Дьоро күн түһүлгэтигэр сурунаалы сатабылаахтык салайбыт, сурунаалга таһаарыылаахтык үлэлээбит уонна үлэлэспит суруналыыстар, дьоруойдар көрсүһүөхтэрэ, дуоһуйа кэпсэтиэхтэрэ, үөрүүнү үксэтиһиэхтэрэ. Маны сэргэ, араас сылларга ыытыллыбыт, биһирэбили ылбыт «Далбар хотун» күрэс кыайыылаахтарын, номинациялар хаһаайкаларын кытары көрсүһүү күүтэр. Дьахталларга холобур буолбут «хоппуйа иис» рубрика ыалдьыттарын, аныгы модельердар айбыт таҥастарын, кэрэ киэргэллэрин сонургуу көрүөххүт. «Алтан арт» киэргэллэрин быйылгы «Далбар хотун» күрэс номинацияларын хаһаайкалара: Прасковья Федотова, Акулина Уваровская, Марианна Рожина, Яна Сивцева көрдөрүөхтэрэ. «Кэрэ сэбэрэни» кэрэхсиэххит, сонургуоххут, биһириэххит.
Үөрүүлээх тэрээһин түһүлгэтигэр мустубут ыалдьыттары СӨ норуодунай артыыстара Клавдия, Герман Хатылаевтар, СӨ култууратын туйгуна Марианна Федотова-Намыына дууһаны манньытар, сүрэҕи үөрдэр ырыаларынан эҕэрдэлиэхтэрэ. Ытык-мааны ыалдьыттарга маанылаах сандалы тардыллыа. Бэлиэ күн үөрүүтэ, өрөгөйө кырыымпа тыаһынан, алгыһынан арыалланыа.
Хаартыскалар «Далбар хотун» сурунаалтан.
Арҕааҥҥылары Зеленскэй эҥин араастык сордоон-муҥнаан сэриигэ кыттыһыннара сатыыр. https://t.me/sakhasire20/46123
Соторутааҕыта Таатта улууһун Чычымах сэлиэнньэтигэр ититэр ситим тыраассатын саҥардан оҥоруу киин ититэр ситими саҥардыыга ситиһиилээх…
Бэчээттиир станок айыллыбыта үйэ аҥаара ааспытын кэннэ, 1501 сыллаахха Гутенберг кырасыабай курсива айыллыбыт. Аан бастаан…
Ыччат каадырга киинэ бүгүн, алтынньы 25 күнүгэр, үөрүүлээх быһыыга-майгыга арылынна. Уһук Илиҥҥэ аан бастакы киин…
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…