«Дальний Восток — земля приключений» куонкурус туризм сайдыытыгар көмөлөһөр

РФ бырабыыталыстыбатын бэрэссэдээтэлин солбуйааччы — Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутнев «Россия 24» ханаалга интервьюга  Уһук Илиҥҥэ туризмы сайыннарыы мэхэньииисимнэрин кэпсээтэ уонна «Дальний Восток – Земля приключений» куонкурус онно суолталааҕын бэлиэтээтэ.

«Мин бу «Дальний Восток – Земля приключений» куонкуруһу олус сөбүлүүбүн. Баҕар, олуонатык иһиллиэҕэ, бэйэм толкуйдаабыт куонкуруһум, ол эрээри, кырдьык, сөбүлүүбүн. Уһук Илин кэрэ сир. Ол кэрэтин көрдөрөөрү, дьону ыҥырыахха наада», — диэн Юрий Трутнев эттэ.

Куонкуруска киинэ нөҥүө Уһук Илиҥҥэ айан туһунан көрдөрөн кыттыахха сөп. Юрий Трутнев эппитинэн, бу куонкурус 2025 сылга эмиэ ыытыллыаҕа.