«Дальний Восток – земля приключений» куонкурус үһүс сезона саҕаланыаҕа

2025 сыл ыам ыйын 1 күнүттэн  “Дальний Восток – Земля приключений” Бүтүн Арассыыйатааҕы III куонкуруска кыттарга сайаапкалары хомуйуу саҕаланыаҕа.   

Куонкуруһу РФ бырабыыталыстыбатын бэрэссэдээтэлин солбуйааччы – Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутнев көҕүлээбитэ. Куонкуруска Уһук Илин федеральнай уокуругар уонна Арассыыйа Арктикатын зонатыгар киирэр сирдэргэ  матырыйаал устубут дьон кыттыан сөп. Урут Уһук Илиҥҥи айан-сырыы туһунан эрэ киинэлэри ылаллара.

-Биһиги «Дальний Восток – Земля приключений» Бүтүн Арассыыйатааҕы куонкуруһу үсүһүн ыытабыт. Икки ааспыт сылга  Уһук Илин дойдуларынан дьикти айаннар тустарынан киинэлэри көрбүппүт. Маннык айаннар төрөөбүт дойдуга, биһиги Уһук Илиммитигэр таптал туһунан кэпсииллэр. Быйыл Арктика уон эрэгийиэнин хотугу сирин айылҕатыгар абылаппыт айанньыттары көҕүлээн, Арктика анал номинациятын киллэрдибит. Маннык киинэлэр көмөлөрүнэн, үгүс киһи айылҕа кэрэтин илэ хараҕынан көрүөн, Уһук Илин уонна Арктика дойдуларыгар барыан, биһиги дойдубут кэрэ сирдэригэр арыйыан  баҕарыаҕа”, —  диэтэ  Юрий Трутнев.

Куонкуруска кыттарга Уһук Илиҥҥэ эбэтэр Арктикаҕа айаҥҥыт туһунан 8 мүнүүтэлээх кылгас кээмэйдээх киинэни устан,  2026 сыл тохсунньу 15 күнүгэр диэри путешественникдв.рф. саайтынан дьүүллүүр сүбэҕэ ыытыллар.

Бастыҥ видео иһин сүрүн бириис 3 мөлүйүөн суумалаах. Биир номинацияҕа кыайыы иһин —  1 мөлүйүөнү,  2-с миэстэҕэ —300 000 солкуобайы, 3-с миэстэҕэ 100 000 солкуобайы ылыахха сөп.

Куонкуруһу Уһук Илиҥҥи федеральнай уокурукка РФ бэрэидьиэнин боломуочуйалаах бэрэстэбиитэлин аппарата, Илин дойдулары сайыннарыы министиэристибэтэ, “Уһук Илин уонна Арктика  сайдыытын корпорацията” АУо уонна “Социальнай көҕүлээһиннэри  сайыннарыы пуондата” өйүүллэр.