Салгыы
«Дальний Восток – Земля приключений» куонкуруска сайаапкалары күүтэллэр

«Дальний Восток – Земля приключений» куонкуруска сайаапкалары күүтэллэр

Ааптар:
14.06.2024, 17:30
Хаартыска: sakha.gov.ru
Бөлөххө киир:

Бүтүн Арассыыйатааҕы «Дальний Восток – Земля приключений» куонкуруска сайаапкалары ылыы салҕанар. Кыайыылаах 3 мөлүйүөн солкуобай уу харчыны сүүйүөн сөп.

Бу куонкуруска кыттарга булгуччу уустук маршруттары талар ирдэммэт, Уһук Илин уокурук ханнык баҕарар муннугар биир күннээх айаҥҥа турунуоххутун сөп. Холобур, былырыын  «Водное путешествие» номинация кыайыылааҕа Алиса Слыщенко паруһунан Камчатскай кыраай «Зеленый мыс» хайысханан биир күннээх муоратааҕы походка сылдьыбыта.

Хаартыска: sakha.gov.ru

Саха сирин олохтоохторо өрөбүл күннэргэ баттаһа Өлүөнэ очуостарыгар, Буотамаҕа, Булууска, Турук Хайаҕа уонна Тукулааҥҥа тиийэ сылдьыахтарын сөп. Сорох туристар Томпо улууһугар Илин Хаандыгаҕа тиийэ айанныыллар. Манна эһиги ханнык ханнык хайа чыпчаалын баһылыаххытын, дьиикэй айылҕаҕа тахсан, кэрэ көстүүлээх айылҕаны устуоххутун сөп. Айан былааныгар киллэрэн туран, хас да улахан быраабыланы өйдүүр наадалаах:

  • — айаҥҥа моторнай тиэхиньикэ туһаныллыа суохтаах;
  • — айан туһунан киинэ уһуна 8 мүнүүтэттэн ордуо суохтаах;
  • — айан туһунан киинэҕэ каадырга кыттааччы куолаһа иһиллиэхтээх уонна бэйэтин устуохтаах.

Бары быраабыланы кытта куонкурус официальнай саайтыгар билсиэххитин сөп.

Кыттыыга уопуттаах айанньыттар эрэ буолбакка, айылҕаны таптааччылар эмиэ кыттыахтарын сөп. Холобур, бастакы сезон кыайыылаахтарын ортолоругар  видеону көннөрү төдөпүөҥҥэ устубут дьон кытта баара. Куонкуруска уонтан тахса саастаах оҕолортон улахан дьоҥҥо тиийэ кыттыахтарын сөп. Куонкуруска урукку видеолары эмиэ туталлар: айан кэмэ 2022 сылга балаҕан ыйын 1 күнүттэн  2024 м. ахсынньы 30 күнүгэр оҥуһуллубут буолуохтаах.

Куонкурус РФ Бырабыыталыстыбатын бэрэсэдэтээлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев көҕүлээһининэн ыытыллар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июля
  • 21°C
  • Ощущается: 21°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: