sakha.gov.ru
2025 сыл ыам ыйын 1 күнүттэн «Дальний Восток – земля приключений» Бүтүн Арассыыйатааҕы айан үһүс куонкуруһугар кыттарга сайаапкалары ылаллар.
Санатан эттэххэ, РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин иһинэн боломучуйалаах бэрэстэбиитэл Юрий Трутнев көҕүлээһининэн, куонкурус 2022 сылтан ыытыллар.
—«Дальний Восток — Земля приключений» куонкурус аудиториятын тута булбута. Иккис сезоҥҥа сайаапкаланааччы үс төгүл элбээбитэ. Кыттааччылар өссө элбииллэригэр эрэнэбин. Тоҕо диэтэххэ, киһи барыта айанныырын таптыыр. Мин тус бэйэм уоппускабар хайаан да айанныыбын. Дьиэ кэргэммин кытта сынньанабын, ойуурга тахсабыт. Дьиэбэр бары оннук айаҥҥа, сынньалаҥҥа бэлэмнэр. Уоппускабытын үөрүүнэн итинник атаарааччыбыт», — диир Юрий Трутнев.
Куонкурус хас да номинациялаах. Куонкуруска кыттааччыларт уустук суоллаах-иистээх сиринэн, уунан, хайанан, уо.д.а. сирдэринэн айанныыр буоллахтарына бу туһунан МЧС биллэриэхтээхтэр.
2025 сыл кулун тутарга «Россия» Национальнай киинигэр иккис сезон түмүгэ тахсыбыта. Иккис сезоҥҥа барыта 664 сайаапка киирбитэ, бу бастакы сырыыттан үс төгүл элбэҕэ бэлиэтэммитэ. Финалистар уонна кыайыылаахтар устубут үлэлэрэ эрэгийиэн телеханаалларыгар көстөр, ону таһынан федеральнай таһымҥа көрдөрүү былааннанар.
Куонкурус РФ Бэрэсидьиэнин иһинэн Уһук Илиҥҥэ боломуочуйалаах бэрэстэбиитэл аппараатын, Арассыыйа Илиҥҥи сайдыытын министиэристибэтин, “Корпорация развития Дальнего Востока и Арктики” АУо, “Фонд развития социальных инициатив” НКУо өйөбүллэринэн ыытыллар.
Сиһилии: https://www.sakha.gov.ru/news/3929 манна көрүөххэ сөп.
СӨ Ил Дарханын уонна Бырабыыиалыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…