Хаартыска: sakha.gov.ru
Ахсынньы 30 күнүгэр диэри «Дальний Восток-Земля приключений» Уһук Илиҥҥэ бастыҥ айаҥҥа Бүтүн Арассыыйатааҕы куонкурус дьүүллүр сүбэтэ кыттааччылартан сайаапкалары ылыыны салҕыыр. Дьүүллүүр сүбэ аадырыһыгар номнуо 200-тэн тахса үлэ киирбит. Айанньыттар Уһук Илин эрэгийиэн бары эрэгийиэннэринэн айаннаабыттар.
Саха сириттэн куонкуруска алта киинэ киирбит. Кыттааччылар ортолоругар Ньурба 2 №-дээх орто оскуолатын 9 кылааһын үөрэнээччитэ Айсен Беленков кыттар. Кини хаартыскаҕа, видеоҕа устуунан үлүһүйэрин, Саха сирин кэрэ айылҕалаах сирин туһунан видеоҕа уһулан Булуус, Турук Хайа уонна Күрүлүүр курдук ытык сирдэрин туһунан көрдөрөргө быһаарыммытын туһунан кэпсээтэ.
«Мин видеоҕа уһулуунан 3 сыл кэриҥэ дьарыктанабын уонна бэйэм үлэлэрбин ВКонтакте страницабар таһаарабын. Куонкуруска кыттаммын Саха сирин кэрэ көстүүлэрин бүтүн дойду үрдүнэн көрдөрөр-иһитиннэрэр кыахтанабын. Видеоларбын сөптөөхтүк сыаналаныахтара диэн эрэнэбин», — диир Айсен Беленков.
Санатан эттэххэ, куонкурус дойду Бэрэсидьиэнэ Владимир Путин ис туризмы сайыннарыы туһунан сорудаҕын толорууга вице-премьер Юрий Трутнев көҕүлээһинэ буолар. Куонкурус бастакы сезона 2022 сыл балаҕан ыйын 7 күнүгэр Илиҥҥи экэнэмиичэскэй пуорум былаһааккатыгар саҕаламмыта.
Куонкурус сүрүн ирдэбилинэн Уһук Илин эрэгийиэннэринэн сылдьан дьоҕус киинэнэни уһулан (8 мүнүүтэҕэ диэри уһуннаах) кэпсиир ирдэнэр. Айан сырыыны камераҕа эбэтэр мобильнай төлөпүөҥҥэ уһулуохха сөп.
Ааспыт сыллар үлэлэрэ эмиэ ылыллаллар: айан сырыы 2022 сыл балаҕан ыйын 1 күнүттэн бу сыл ахсынньы 30 күнүгэр диэри оҥоһуллуохтаах. Кыайыылаахтар уонна призердар номинацияларынан сыаналаах бириистэри ылыахтара. Гран-При — 3 мөл. солк., «сатыы, уунан уонна кыһыҥҥы кэмҥэ сырыы» номинацияларга кыайыылаахтарга 1 мөл. солк. көрүллэр, иккис миэстэҕэ — 300 тыһ. солк., үһүс миэстэҕэ – 100 тыһ. солк.. Ону тэҥэ Чукоткаҕа сырыы иһин туспа 1 мөл. солк. харчынан бириис ананар.
Сайаапкалары бу сыл ыам ыйын 1 күнүттэн ахсынньы 30 күнүгэр диэри саайтка биэрэллэр. Кыайыылаахтары уонна призердары наҕараадалааһын кэлэр сыл олунньутугар ыытыллыаҕа.
Сыл саҕаланыытыттан Саха сиригэр гепатит ыарыыга 5 тыһ. тахса киһи бэрэбиэркэлэннэ. 89 киһиэхэ быар ыарыытын…
Дьокуускай куорат борокуратуурата 43 саастаах олохтооҕо холуобунай дьыалатын судаарыстыбаннай буруйдааһынын өйөөтө. Кини киһини өлөрүүгэ уонна…
Ил Дархан архитектураҕа уонна градостроительстваҕа управлениета өрөспүүбүлүкэ Бастакы Бэрэсидьиэнэ Михаил Ефимович Николаев кэриэһигэр архитектура-уус-уран киэҥ…
Дьокуускай куорат 22 саастаах олохтооҕо ГИБДД сулууспатыгар 15 ыстарабын төлөөбөккө административнай эппиэтинэскэ тардылынна. Саха сиринээҕи…
Өлүөнэ күргэтин тутуу былаһааккатыгар ыам ыйын бастакы дэкээдэтигэр муус эстэр кэмигэр үлэ салҕаныа. Быйыл 300-тэн…
Саха сиригэр “Аҕа дойдуну көмүскээччилэр” судаарыстыбаннай пуонда филиалыгар 40 тыһ. тахса сурук киирбит. Ити туһунан…