«Дальний Восток – Земля приключений» куонкуруска сайаапканы ылыы салҕанар

Ахсынньы 30 күнүгэр диэри «Дальний Восток – Земля приключений»  Бүтүн Арасыыйатааҕы куонкурус дьүүллүүр сүбэтэ кыттааччылартан сайаапканы ыла олорор. Хайыы-үйэ 200-тэн тахса үлэ киирдэ, ол иһигэр Саха сириттэн алта киинэ.

Куонкуруска Уһук Илин эрэгийиэннэринэн айанныы сылдьан, уһулбут киинэҕит кыттар (8 мүнүүтэҕэ диэри уһуннаах). Киинэни идэтийбит камераҕа да, мобильнай төлөпүөҥҥэ да уһулуохха сөп.

Урукку айаннаргыт да барсаллар: 2022 сыл балаҕан ыйын 1 күнүттэн 2024 сыл ахсынны 30 күнүн иһинэн уһуллубут буолуохтаах.

Кыайыылаахтары, призердары ботуччу бириис кэтэһэр. Гран-при (бастыҥ видеоайан) – 3 мөл солк., “сатыы, уунан, кыһыҥҥы” анал ааттар кыайыылаахтара 1-дии мөл. солк. ылыахтара, 2 миэстэни ылбыттар – 300-түү тыһ. солк., үһүс миэстэлээхтэр – 100-түү тыһ солк.

Сайаапкалары путешественникдв.рф саайтка 2024 сыл ахсынньы 30 күнүгэр диэри биэрэҕит, диэн иһитиннэрэр Ил Дархан, Бырабыыталыстыба пресс-сулууспата.