“Дальний Восток – земля приключений” күрэс иккис сезонун түмүгүн таһаардылар

Share

Москваҕа “Дальний Восток – земля приключений” Бүтүн Арассыыйатааҕы күрэс иккис сезонун кыайыылаахтарын наҕараадалааһын буолла.

Быйыл тэрийэр кэмитиэт аатыгар Арассыыйа араас муннугуттан ааптардартан барыта 664 киинэ киирдэ. Бу, күрэс бастакы сезонунааҕар үс төгүл элбэх. Итинтэн 46 киинэ Саха сиригэр аналлаах.

Уһук Илин уокурукка айан туһунан бастыҥ видео иһин 3 мөл. солк. сүрүн бирииһи Москва олохтооҕо, М.В.Ломоносов аатынан Москватааҕы судаарыстыбаннай университет геологияҕа бакылтыатын билим үрдүкү үлэһитэ Илья Большаков ылла. Кини киинэтэ Онекотан Курильскай арыыга аналлаах.

Тэрээһин аһыллыытыгар РФ Бырабыыталыстыбатын Бэрэссэдээтэлин солбуйааччы уонна РФ Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ Юрий Трутнев күрэс Уһук Илин устун айаны киэҥник тарҕатыыга суолталаах платформанан буолбутун бэлиэтээтэ.

“Кыайыылаахтары уонна күрэс бары кыттааччыларын эҕэрдэлиибин. Күрэс салҕаныа диэн эрэнэбин. Биһиги өссө элбэх үчүгэй киинэлэри көрүөхпүт. Аан бастакы күрэскэ икки сүүс сайаапка киирбитэ.Билигин номнуо үс төгүл эбиллэн алта сүүскэ тиийдэ”, – диэн эттэ.

Айанньыттар хас да күннээх похуокка барбыттар, байдарканан устубуттар, хайаҕа ыттыбыттар, араас уустук маршруттарынан сылдьыбыттар. Ону таһынан, сорох кыттааччылар бастакы арыйааччылар суолларынан айаннарын туһунан үлэлэри устубуттар.

Росстат чахчытынан, былырыын Уһук Илин уокурукка 6,5 мөл. турист сылдьыбыт, бу 2023 сылга тэҥнээтэххэ 5% элбэх. Уһук Илиҥҥэ уонна РФ Арктика зонатын сирдэригэр саҥа инвестиционнай бырайыактары өйүүр соруктаах урбаанньыттар үлэлэрин ураты эрэсиимэ тэриллибитэ (ТОР, Владивосток көҥүл порт, РФ Арктическай зоната), ону тэҥэ, судаарыстыба өйөбүлүн атын миэрэлэрэ. Ити түмүгэр Уһук Илиҥҥэ уонна РФ Арктика зонатыгар туризм уонна чэбдигирдэр тэрээһиннэр эйгэтигэр былырыын 280,6 млрд. солк. уопсай инвестициялаах уонна 18,1 тыһ. оробуочай миэстэни тэрийиилээх 399 сөбүлэҥ түһэрсиллибит. Мунньуллубут инвестиция кээмэйэ 63,6 млрд. солк. тэҥнэспит, 5 тыһ. үлэ миэстэтэ тэриллибит, 66 бырайыак олоххо киирбит. Сиһилии манна ааҕыҥ.

Хаартыска: www.sakha.gov.ru
Хаартыска: www.sakha.gov.ru

Ил Дархан уонна Бырабыыталыстыба пресс-сулууспата.

Recent Posts

  • Быһылаан
  • Сонуннар
  • Уопсастыба

Түүҥҥү кэмҥэ көрүүтэ суох сылдьар оҕолор булулуннулар

Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын  уонна буруйу оҥорууларын сэрэтэр систиэмэ…

2 минуты ago
  • Сонуннар
  • Чэгиэн

Нерюнгрига офтальмология балыыһатын салаата аһылынна

Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…

46 минут ago
  • Сонуннар
  • Үөрэх

Оҕоҥ оскуолаҕа барарга бэлэм дуо?

Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…

1 час ago
  • Сонуннар
  • Сүрүн

Арассыыйа чөмпүйэнээтэ: 100 км сүүрүүгэ кыайыылаахтар

Дьокуускайга бүгүн, атырдьах ыйын 30 күнүгэр, аан бастакытын  100 км сүүрүүгэ Арассыыйа чөмпүйэнээтэ ыытылынна. Дьахталларга…

1 час ago
  • Сонуннар
  • Уопсастыба
  • Үөрэх

Саҥа үөрэх дьылыгар киирэргэ оскуолалары бэрэбиэркэлээтилэр

Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…

2 часа ago
  • Сонуннар
  • Уопсастыба

Социальнай чэпчэтиинэн хайдах туһанаҕын?

Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…

2 часа ago