“Дальний Восток — Земля приключений”  күрэс үһүс төгүлүн ыытыллыытыгар туох уларыйда?

2025 сыл ыам ыйын 1 күнүттэн 2026 сыл тохсунньу 15 күнүгэр диэри Бүтүн Арассыыйатааҕы “Дальний Восток – Земля приключений” бастыҥ айан күрэһэ ыытыллыаҕа. Күрэс Бырабыыталыстыба бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев көҕүлээһининэн ВЭФ-2022 саҕаламмыта.

Номнуо икки төгүл күрэһи ыытар уопуту учуоттаан, тэрийээччилэр күрэскэ кыттыыны судургутутар уонна кыайарга улахан кыаҕы биэрэр инниттэн балаһыанньаҕа уларытыылары киллэрдилэр.

Географиятын кэҥэтии: күрэскэ кыттааччылар Уһук Илин федеральнай уокурук уонна Арассыыйа Арктическай зонатыгар киирсэр сирдэргэ сылдьан устубут матырыйаалларынан кыттыахтарын сөп. Эрдэ Уһук Илин устун айан туһунан киинэ эрэ көҥүллэнэрэ. Ол аата 11 эрэгийиэн испииһэгэр өссө эбиллэн биэрэллэр:

1. Мурманскай уобалас.
2. Карелия Өрөспүүбүлүкэтэ.
3. Архангельскай уобалас.
4. Коми Өрөспүүбүлүкэтэ.
5. Ненецкэй АУо.
6. Ямало-Ненецкэй АУо.
7. ️Красноярскай кыраай.
8. ️Ханты-Мансийскай АУо.

Күрэскэ РФ Арктическай зонатын састаабыгар киирэр дойду биир эбэтэр хас даҕаны субъегар сатыы, уунан, кыһыҥҥы айаҥҥа сылдьыы ылыныллар.

2). Бириис пуондата эбилиннэ: “Арктикаҕа айан” саҥа номинация эбиллибитинэн сибээстээн, күрэс бириискэ пуондата үрдээтэ. Саҥа номинацияҕа кыайыы иһин 1 мөл. солк. ылыахха сөп, иккис миэстэҕэ – 300 000 солк.,  үһүс миэстэҕэ – 100 000 солк. Күрэс туһунан сиһилии манна ааҕыҥ.